రచన,స్వరకల్పన&గానం:రాఖీ
రాగం:నీలాంబరి

నల్లకలువ బాలా
చెలీ నీ అందమెలా పొగడాలా
జాతి వజ్రమేదైనా
జన్మతః తనుకూడా నీలా
నీలా నీలాల కన్నులూ
నీలా నీలాల కురులూ
వన్నెలెన్నొ చిలుకుతాయి
సోయగాలనొలుకుతాయి

1.అంతరాళ మంతా కృష్ణవర్ణమేగా
అంతరంగమందు కృష్ణతత్వమేగా
నలుపంటే రంగులన్ని దాచుకున్నాదేగా
నలుపంటే గోపెమ్మల మదిదోచుకున్నదేగ

2.మెరుపు వెనుక మేఘము నీలిమయే గమనించు
రమ్యమైన రాగము నీలాంబరి అలరించు
నీలమేఘ శ్యాముడు ఆ రఘురాముడు
ఘన శ్యామసుందరుడు-సమ్మోహనాంగుడు