రచన,స్వరకల్పన&గానం:రాఖీ
రాగం:శుభ పంతువరాళి
ఏమి సేతునే మనసా నిన్నెటులోర్తునే
సతతము మతిమాలి చరియింతువే
కట్టిడిసేయగ బెట్టుసేతువే
నిన్నట్టి పెట్టగా కట్టజాలనైతి సేతువే
1.వానర సరియగు చపలత నీది
ఖేచర సమతుల చంచల బుద్ధి
నిలకడ మెదలవె కదలక నాకడ
కుదరదు విచ్చలవిడి రాకడపోకడ
2.చదువగనెంచిన కుదురుగ నుండవు
సంగీతముతో సాంత్వన నొందవు
కాంతా కనకాల చింతన చేతువు
శ్రీకాంతు చరణాల చెంతయె ఇకపై నీతావు
No comments:
Post a Comment