https://youtu.be/ULCnejHU3RU?si=5Dg2vm73uGdZdxcC

రచన,స్వరకల్పన&గానం:రాఖీ
రాగం:మధ్యమావతి

మహాగౌరీ మహాదేవ సహధర్మచరీ
శుభకరీ నాదబిందు కళాధరీ
వృషభవాహన సంచారీ పరాత్పరీ
నయగారీ కొల్తునిన్ను అనునయమే కోరి

1.త్రిమూర్తులైన నీకు భృత్యులే
మహామునులు నీశరణార్థులే
నీ కరమే అభయకరము
నీ పదమే పరమ పదము
నిఖిలలోక జననీ నిరంజనీ
పరవిద్యా పరాశక్తి పరమపావనీ

2.ఢమరుక శూలధరి శ్వేతాంబరి
కరుణామృతలోచని కృపాకరీ
నీ వదనమె కుముదము
నీవే సౌందర్య  సదనము
దైత్య దమని దానవ సంహారీ
నిత్యానందినీ  సత్య శివ సుందరీ