రచన, స్వరకల్పన&గానం:రాఖీ
రాగం:పట్ దీప్
ఆరాధన ఒక్కటే దృక్పథం భిన్నమైనా
అనురాగ మొక్కటే భావుకత వేరైనా
విశ్వమంత ప్రేమమయం అది ప్రకృతి దృగ్విషయం
ప్రతి మనసూ పరితపించడం ఇదే సృష్టి నియమం
1.అమ్మ పంచగలిగేది అనుపమానమైన మమత
నాన్న గుండెలోనా అతులితమౌ వాత్సల్యత
సోదరీ సోదరుల అగణితమౌ ఆప్యాయత
ప్రేయసీ ప్రియులజన్యమౌ అద్వైత ప్రణయ రమ్యత
విశ్వమంత ప్రేమమయం అది ప్రకృతి దృగ్విషయం
ప్రతి మనసూ పరితపించడం ఇదే సృష్టి నియమం
2.గురువులకు శిశ్యుల ఎడల అనునయ భావన
మిత్రుల్లో నెలకొన్న పరస్పర ప్రతిస్పందన
నేతలు నటుల పట్ల అభిమానుల వ్యక్తీకరణ
దైవమంటె భక్తులకుండే ఆత్మ నిజ నివేదన
విశ్వమంత ప్రేమమయం అది ప్రకృతి దృగ్విషయం
ప్రతి మనసూ పరితపించడం ఇదే సృష్టి నియమం
No comments:
Post a Comment