చిన్నమొలకకూ లేవు రామచిలకకూలేవు
వాన చినుకుకైన లేవు వాగువంకకింకలేవు
నీకేలనో ఓమనిషీ ఇంతటి ఈర్ష్యాద్వేషాలు
నీకెందుకో ఓ నరుడా ఈ అసూయా మోసాలు

1.నీకు లేక వగచేవు అదియే  ఒక వ్యధ
సాటివారు కలిగి ఉంటె ఓర్వలేనిదొక బాధ
నీ కళ్ళమంట వల్ల నీవే దుఃఖింతువు
నీ కడుపుమంట నీకే దహన హేతువు
కడలి కెప్పుడూ లేవు ఖంబుకెంతయూ లేవు
నీకేలనో ఓమనిషీ ఇంతటి ఈర్ష్యాద్వేషాలు
నీకెందుకో ఓ నరుడా ఈ అసూయా మోసాలు

2.ప్రతిభను ఈసడిస్తె నీకొరిగే దేమిటి
గుర్తింపును నిరసించే సంస్కారమేపాటిది
సూర్యునిపై ఉమ్మితే పడుతుంది నీపైనే
విద్యుత్తుని ముట్టకుంటె ఎప్పటికీ నీకు హానె
చెట్టుచేమకూ లేవు కొండకోనకూ లేవు
నీకేలనో ఓమనిషీ ఇంతటి ఈర్ష్యాద్వేషాలు
నీకెందుకో ఓ నరుడా ఈ అసూయా మోసాలు