రచన,స్వరకల్పన&గానం:రాఖీ
రాగం:అమృత వర్షిణి

వెన్నెలే ఘనీభవించి
మోవిలో ద్రవీకరించి
కన్నుల్లో ఆసాంతం కురిపించి
చేసాడు సాయమెంతొ నిను నాకందించి
బ్రహ్మకెపుడు అందుకే వందనమందు శిరసువంచి

1.కమలాలే నయనాలుగ రూపొందించి
అమృతాన్ని అధరాల్లో కూర్చిఉంచి
కపోలాల రోజాలవన్నెలుపంచి
తీర్చిదిద్దాడు నిన్నెంతో నన్ను కనికరించి
అందుకే నాకెపుడు ప్రియదైవమె విరించి

2.గోదావరి నే నీ ఎదగా మలిచి
కృష్ణవేణి వడ్డాణంగ నడుమున బిగించి
హిమనగములు మేరుగిరులు ఇరుదెసల పొదిగించి
సృష్టించి వరమొసగెను విధాత
అందుకే ఆస్వామికి నా చేజోత