రచన,స్వరకల్పన&గానం:రాఖీ
రాగం:శివరంజని

గుండె పెకిలించినా-పీకనులిమేసినా
ఉండదేమొ ఇంతటి ఈ బాధ
చెలి చేయిజారినంత వ్యధ
కాలమా ఏమినీ మాయాజాలం
కనులు సంద్రాలయ్యే ఈ ఇంద్రజాలం

1.తొలిచూపుల ఆ శుభవేళ
ప్రేమ మొలకెత్తిన నిమిషాన
లెక్కవేయలేదు ఏజాతకాలు
ఎంచిచూడలేదు కులమతభేదాలు
సమాజానికెందుకో చెప్పలేని ఉత్సాహం
ఈ పెద్దలకెందుకో మొత్తుకునే రాద్ధాంతం
నిలువునా కాల్చేసినా-కడుపులో కత్తిదించినా
ఉండదేమొ ఇంతటి ఈ బాధ-చెలి చేయిజారినంత వ్యధ

2.ఊరికెంతెంతొ  కడుదూరానా
బ్రతకనీయరామీరు మమ్ము మా మానాన
విడదీయగలరేమో మా ఇద్దరి తనువులను
వేరుచేయసాధ్యమా ఏకమైన మనసులను
గడపాల్సిన రోజుల్లో విషాదాన్ని నింపుతారు
పండంటి జీవితాల్లో దుఃఖాన్ని వంపుతారు
విషము మ్రింగించినా-గొంతు ఖండించినా
ఉండదేమొ ఇంతటి ఈ బాధ-చెలి చేయిజారినంత వ్యధ