https://youtu.be/o2FaZbjP32E

నవ దుర్గ చాముండి 

పల్లవి

దండంబులు నీకివే చాముండేశ్వరి
చాముండి కొండ కొసన వెలసిన చండ ముండ సంహారి
మైసూరు పట్టణ వాసిని మాతా మాహేశ్వరి
పాలయ మాం పరిపాలయ మాం పరమేశ్వరి

చరణం – 1

క్రౌంచ పట్టణే చాముండీగా అష్టాదశ శక్తి పీఠ విఖ్యాతిని
అదృష్టమే దీన జనులకు నీ దివ్య దర్శనం దేవీ జగజ్జనని
దుష్ట దానవ శమనీ మానవ దురిత దూర కంకణ ధారిణి
వడయార్ రాజ వంశ సేవిత దసరా ఉత్సవ తేజో విరాజిని

చరణం – 2

నవరాత్రి ఉత్సవ అర్చిత నవ దుర్గా భవ తారిణి
దశ భుజి మహిష మర్దిని శరణాగత వత్సల శ్రేయో దాయిని
త్రిగుణాతీతా చతుర్వేద సన్నుతా పంచేంద్రియ సమ్మోహిని
షట్చక్ర దీపిని సప్తవ్యసన హారిణి అష్టకష్ట నివారిణి