రచన,స్వరకల్పన&గానం:రాఖీ

రాగం:రేవతి

పయనించు పయనించు ఏకాగ్ర చిత్తుడవై
నీ పయనం సాగించూ అంతర్ముఖుడవై
నీ లోకి లోలోకి లోలోకి పయనించు
అలుపెరుగని నదిలా మదిలోకి ప్రవహించు

1..కోల్పోతున్నదేది అప్పుడు గ్రహించము
చేజార్చున్నదాన్ని ఏమిచ్చీ పొందలేము
ఒంటరివే ఎప్పటికీ ఏకాంతమె నీ వాసము
క్షణికమైన వాటికొరకు వెచ్చించకు సమయము

2.గమ్యం ఒకవైపు నీ గమనం ఒకవైపు
ఎంతగా నడచినా చేరవు లక్ష్యం వైపు
నీతో నీవే సంభాషించు నీలో నీవే సంగమించు
తరించు అంతరించు నేనే గా అవతరించు