రచన,స్వరకల్పన&గానం:రాఖీ

రాగం:మోహన

పాతకాలుచేసితినో-తెలిసి తెలియకా
ఘాతుకాల నొడగట్టితినో
దోషములొనరించితినో నీ ఎడల
దూషణలే నుడివితినో
పరమశివా హే పరమ దయాళా
ఐనను మన్నించరా నను మన్నన సేయరా

1.అధముడనో నేను ఘోర దురాత్ముడనో
గతజన్మలలోనూ ఈ జన్మయందునను
ఉచితానుచితముల యోచించకుంటినో
మితిమీరిన గర్వము వ్యవహరించుచుంటినో
శివునాజ్ఞలేకా చీమైనా కదలదందురే
జగమంతా నీ ఆటకు రంగస్థలమందురే
నటరాజేశ్వరా రాజరాజేశ్వరా
అందుకు మన్నించరా నను మన్నన సేయరా

2.విషసర్పమైనను గరిమ హస్తియైనను
కీటక భక్షి ఆ సాలెపురుగు నైనను
నిర్దయగా వేటాడే తిన్నడినైనను
క్రూరకర్మలొనరించే దైత్యులనైనను
కనికరముతొ వరములనిడి కరుణించితివి
ఆదుకొని ఆదరించి నీ అక్కునజేర్చితివి
కాళహస్తీశ్వరా హేభోళా శంకరా
ఆ విధి మన్నించరా నను మన్నన సేయరా