https://youtu.be/1QwJ95le6iM?si=eEsmE8EdLbYn7i_L

రచన,స్వరకల్పన&గానం:రాఖీ

అతను: నా గాన కోకిలా గారాలు పోకిలా
రాగాల పల్లకిలో ఊరేగని నన్నిలా
ఆమె: నా వెండి వెన్నెలా  ఆమబ్బుల చాటేలా
కురియవే బ్రతుకంతా ప్రేమరుచిని చాటేలా

అతను:1.కిసలయాల మిసమిసలు నీ కోసం దాచా
ఆరారుకారులూ నిన్ను మాత్రమే తలచా
ఎడారిలో వరదల్లే నీ గానం అలరించు
ఏడాది పాటూ... అది నిన్నే తలపించు

ఆమె: కలువనై ఎన్నటికైనా నిను కలువగ జూచా
గ్రహణాలూ అమాసలెన్నో ఆర్తితో సహించా
నీ అమృతకిరణాలే నా పంచప్రాణాలు
కార్తీక పున్నమలెపుడూ నాకు వేణుగానాలు

అతను2.పట్టుబట్టి పాడమంటే బెట్టుచేతువేలనో
ప్రాధేయపడుతున్నా కనికరించవేలనో
గీతాలకు నేనెపుడూ ముగ్ధుడనై పోతాను
సంగీతమంటే చెలీ చెవికోసుకుంటాను

ఆమె:కోయిలకూ జాబిలికీ పొత్తుకుదురుతుందా
గీతమే నాకు ఊతం అందమే నాకు శాపం
అతను:చంద్రికకు గీతికకూ లక్ష్యం ఆహ్లాదమె కాదా
అభిమానమె కొలమానం అనుభూతియె బహుమానం