రచన,స్వరకల్పన&గానం:రాఖీ

ఈ సాయం సమయమున
నీ సాయం కోరితి ఓ యమున
ఓపలేని విరహమాయే నా హృదయమున
విహరించనీ రాసవిహారితో అనునయమున

1.గోకులమున కూడబోవ గోపికలతొ గొడవాయే
మథురలోన కలవబోగ కులకాంతల కలహమాయె
బృందావని కాంచబోవ రాధమ్మే తయారాయే
గోవిందుని పొందగ రాయంచ నావయే త్రోవాయే

2.నీ అలల తేలియాడ ఊయల సుఖమాయే
నీ మంద చలనమున డెందమొందు రతిహాయే
సాగనీకు గమనము పదపడి కడు రయమున
కాలమాగిపోని జగమే కదలక ఇదే ప్రాయమున