పిల్లకి చెలగాటం -ప్రియునికి ఉబలాటం
గిల్లీకజ్జాలతో అల్లరి బులపాటం
మల్లెల మొహమాటం-వెన్నెల ఆరాటం
తెల్లారిపోకుండా తపనల పోరాటం

1.తాకీ ఉడికించడం ఆపై ఊరించడం
అందీఅందకా ఎంత సతాయించడం
ఎంతో బ్రతిమాలడం ఇంకా బామాలడం
సతిమది మచ్చికకై వసుదేవుడు కావడం
మగనికెంత ఒప్పని పని పడతితో పడక
తప్పనిసరి  మగసిరి స్త్రీ గుప్పిటి చిలుక

2.నారిని సారించడం వద్దని వారించడం
యుద్ధభూమి చేరాకా శాంతిని బోధించడం
ముద్దులు కురిపించడం కౌగిట బంధించడం
సమ్మోహనాస్త్రాలనే గురిగా సంధించడం
మగువ తెగువ చూపితే యోధులకూ ఓటమే
మనసెరిగీ మసలుకొంటె ఉభయులకూ వాటమే