రచన,స్వరకల్పన&గానం:రాఖీ

రాగం: తోడి

చేసిందే చెప్పడం చెప్పేదే చెయ్యడం
ఎంతగొప్పనైనదీ సత్యవ్రతము
ఆచరణకు కఠినము సాధనతో సరళము
సత్యదీక్ష సృష్టిలో పరమోత్కృష్టము

1.కష్టమెంత వచ్చినా ఆడితప్పలేదు
అలనాడు హరిశ్చంద్రుడు సత్యహరిశ్చంద్రుడు
ఇచ్చినమాటకై ఇడుములు బడిసాడు
ఇక్ష్వాకు రామచంద్రుడు శ్రీ రామచంద్రుడు
వ్యక్తిత్వపు కొలమానం సత్యభాషణం
ఆచంద్రతారార్కం ఆ మహనీయుల తార్కాణం

2.ఎంతటి చేదైనా సరె నిజాన్ని వదలలేదు
జాతిపిత గాంధీజీ మహాత్మా గాంధీజీ
నిప్పులా కాల్చేదైనా ఆయుధమౌ వాస్తవం
కలిగించును నిర్భయం పురికొల్పును ధైర్యం
తడబడే పనిలేదు తలవంచే స్థితిరాదు
ఆత్మాభిమానమెపుడు చెక్కుచెదరదు