https://youtu.be/fyjnI7xAQa4?si=96xQoqQeUGniPzd4

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:నట భైరవి

సరసిజమా నా ప్రియతమా  నీమోము 
సరసాలకాలవాలమా నీ హృదయము
సృష్టిమూలం శృంగారం శృంగారానికి ప్రణయం
ఇరువురు గెలిచే సమరం తనువులు మరిచే సమయం
మనమైక్యమై పోదాము ఒకరిలొ ఒకరం
రససౌఖ్య లోక మేలుదాం అహరహం

1.రసన అలసి పోయేలా మేని రుచులు గ్రోలుదాం
ఎవరిపెదవులేవో ఎరుగనట్లు ముడిపెడదాం
చెవితమ్మెల మెత్తదనం దంతాల నడిగేద్దాం
మెడ వంపు వెచ్చదనం చెంపలకు చెప్పేద్దాం
కర్పూరమై కాలిపోదాం కమ్మని కౌగిళ్ళలో
నిలువెల్లా మునిగేద్దాం స్వేదపు సెలయేళ్ళలో

2.హద్దులన్ని చెరిపేద్దాం ముద్దులకే స్వేఛ్ఛనిస్తూ
మత్తులో చిత్తౌదాం బాహుమూల లాఘ్రాణిస్తూ
కంపు ఇంపు భేదమె లేదు తమక రతి కేళిలో
నీది నాది వాదమె లేదు రస మన్మథ జగతిలో
అద్వైత సిద్ధినే అవలీలగ పొందుదాం
అమరత్వ లబ్ధినే అరఘడిలొ అందుదాం