రచన,స్వరకల్పన&గానం:రాఖీ

జీవితం క్షణక్షణం ఒక యుద్ధం -యుద్ధం యుద్ధం యుద్ధం
తలపడుటకు కావాలి సంసిద్ధం-సిద్ధం  సిద్ధం సిద్ధం
గోటితో పోయేవాటికి గొడ్డల్ని వాడక తప్పని అగత్యం
మాటనే ఈటెలా విసరడమే బ్రతుకున అనునిత్యం
నెగ్గడమూ తల ఒగ్గడమూ తప్పవన్నదే పరమసత్యం

1.అమ్మకడుపు చించుకరావడమే ఆది పోరాటం
పరీక్షలెన్నో ఛేదించుకుంటూ గెలుపుకోసం సంస్ఫోటం
సంసారాన్ని దిద్దుకొనుటలో సదా సర్వదా సంగ్రామం
ముసలితనంలో అనాయాస మరణంకై  రోగాలతో రణం
అనితరసాధ్యము అని అనిన కలగలసిన అనుభవాల తోరణం

2.మనుగడ కోసం అడుగు అడుగనా సమాజంతో సమరం
అర్హత ఉండీ అందుకొనుటకై అవకాశాలతొ కలహం
టికెట్టు పెట్టీ సుఖపయనంకై బస్సులొ రైళ్ళో జగడం
ఓట్లను వేసీ సదుపాయాలకు ప్రభుతతోను సమితం
నీలోనీకు నీతోనీకు నిమిషంనిమిషం ఎదలో సంఘర్షణం