రచన,స్వరకల్పన&గానం:డా.రాఖీ

రాగం:కానడ

గడ్డకట్టి పోయాయి కన్నీళ్ళూ
బండబారి పోయింది నాగుండె
ఎటుచూసినా శోకసంద్రమే లోకంలో
జనమంతా అయోమయపు  వింత మైకంలో

1.గడిచెటోడికైనా ఇది గడ్డుకాలమే
పూటగడవనోడికి ఇక దినదిన గండమే
గతిలేక గతపు స్మృతులు నెమరేసుకోవడమే
ఉగ్గబట్టి విపత్కాలమీదుకుంటు సాగడమే

2.తీరిపోతె కష్టమెంత చిన్నదో కదా
మునకలేస్తున్నపుడిక బ్రతుకు విలువ తెలియదా
మించనీకు తరుణమింక మంచిగ మెలగగా
ప్రేమ దివ్వె వెలిగించు చీకటే తొలగగా