రచన,స్వరకల్పన&గానం:డా.రాఖీ

తలపులలో చొరబడకు నేస్తమా
నా మదిలో స్థిరపడకు ప్రియతమా
గాయపడిన గుండెలోన ప్రేమకేది తావు
వంచనతో ముంచేసిన  నావ చేరదే రేవు

1.యవ్వనమున జీవితమొక ఇంద్రధనువు
బంగారు కలలతో తేలియాడు తనువు
అందని ద్రాక్ష గుత్తి ఆంక్షలతో మనువు
అడియాసల నడుమన భవితకు చావు

2.కీలుగుర్ర మెక్కించే రాకుమారుడొస్తాడు
జగదేక సుందరివని వరమాల వేస్తాడు
అనుమానపు పంజరాన ఆత్మను బంధిస్తాడు
స్వేఛ్ఛా కపోతపు రెక్కలు నరికేస్తాడు

3.పదే పదే అదే పనిగ మోసపోలేను
వ్యక్తిత్వం చంపుకొంటు తలవంచుకోలేను
సాధికారికంగా బ్రతికేస్తా సగర్వంగా
స్వావలంబనే ఊతంగా పయనిస్తా కడదాకా

శ్రీ అక్షర ప్రేరణతో-చిత్రానికి సాక్షర భావ సాక్షాత్కారం