https://youtu.be/i9xcnr5_ScI?si=Ik-6klLayaFpslj7

రచన,స్వరకల్పన&గానం:డా.రాఖీ

నిదురలేని రాత్రులెన్నో-నీ జ్ఞాపకాలతో
మదిదాటని మాటలెన్నో-బిడియాలతో
చొరవ కరువైన వేళ-కాలమే పగబూనింది
మేలుకున్న తరుణాన-బ్రతుకు చేయిజారింది

1.రంగవల్లితొ నినుచూసాకే-నాకు పొద్దుపొడిచేది
గోదారిలొ ఎదురైతేనే-దినం నాకు గడిచేది
నీ జడలొ మెరిసేందుకే-మా గులాబి పూసేది
నీ మేను తడిపేందుకే-మేడపై వెన్నెల కాసేది

2.నా కొలువుతొలిజీతం-మువ్వలై నీ పదములుజేరే
నీవల్లిన ఊలు శాలువా-నను కౌగిట బంధించే
మౌనరాగాలెన్నో మారుమ్రోగె మన మధ్య
మీనమేష గణితాల్లో జీవితమాయె మిథ్య