OK

రచన,స్వరకల్పన&గానం:డా.రాఖీ

పట్టించుకోకుంటె పరితాపం
పట్టిపట్టి చూసామా ఎంతటి కోపం
అందాలన్ని ఆరబోసే ఆ వైనం
కనువిందనుకొన్నామా సంస్కార హీనం
ప్రాణాలు తోడేసే  ఎలనాగలు అలివేణులు 
శవాలకూ జీవం పోసేరు సుందరాంగులు అమృతగుళికలు

1.అల్లార్పే కన్నులు బుగ్గన సొట్టలు చుబుకం నొక్కులు
క్రీగంటి చూపులు మునిపంటినొక్కులు అన్నీచిక్కులు
మామూలు బాణమైన ఛేదించగలిగేను హృదయము
దివ్యాస్త్రాలైతేనో నిలువెల్లా దహియించు తథ్యము
అత్తిపత్తులే నత్తగుల్లలే అతివలు అందని ద్రాక్షలు

2.చిచ్చుపెట్టే చిట్కాలెన్నో వెన్నతో పెట్టిన విద్యలు
రెచ్చగొట్టే ఆయువు పట్లే  కరతలామలకాలు
మెండైన ప్రలంబాలు నిండైన నితంబాలు
ప్రధానమే సదా వగలాడికి ప్రతారికా ప్రదర్శనం
పృష్ఠము కటి వళి అంగమేదైనా అయస్కాంతము