రచన,స్వరకల్పన&గానం:డా.రాఖీ

రాగం:కీరవాణి

నిత్యమూ నా కవితకు స్ఫూర్తివి నీవే
నే పాడే పాటకు మొదటి శ్రోతవు నీవే
నా నుదుటన విధిరాసిన గీతవు నీవే
నేను కనే తీయనైన కలవు నీవే
నా కనుల ఎదటనూ కలవు నీవే

1.ప్రత్యూష వేళలో తొలికిరణం నీవే
తొలకరి గుభాళించు మంటి గంధంనీవే
కార్తీక పౌర్ణమిలో విరగ కాయు కౌముది నీవే
ఆమనిలో విరివిగా విరియు విరియూనీవే
నేను కనే తీయనైన కలవు నీవే
నా కనుల ఎదటనూ కలవు నీవే

2.ధ్వజస్తంభాన మ్రోగె మంజుల సడినీవే
గర్భగుడిలో కొడిగట్టని దీపకళిక నీవే
కోవెలలో నినదించే చతుర్వేదఘోష నీవె
స్వామి మెడను అలరించే తులసిమాలనీవే
నేను కనే తీయనైన కలవు నీవే
నా కనుల ఎదటనూ కలవు నీవే