రచన,స్వరకల్పన&గానం:డా.రాఖీ

వాలిపోతాను గాలితొ కబురంపినా
ఎదుట నిలిచేను ఎదలోను తలచినా
ఊహల ఝరి దరులకు మనం చెరోవైపు
కల్పనే మన మనసులను ఒకటిగ కలుపు

1.ఆశించడానికి ఏముంటుంది ప్రత్యేకంగా
అనిర్వచనీయమైన మనబంధానా
భావాలు ప్రవహిస్తూ మధురానుభూతులుగా
కలయికలు పరిణమిస్తూ భవ్యమౌ అనుభవాలుగా

2.మూటగట్టుకుందాము క్షణాలనే ఏరుకొని
స్నేహాన్ని ప్రతిఫలించే లక్షణాలనే కోరుకొని
పరస్పరం హితమును కూర్చే నిస్వార్థ లక్ష్యంగా
అపురూపం అపూర్వమయ్యే మైత్రికి సాక్షంగా