రచన,స్వరకల్పన&గానం:డా.రాఖీ

ఊహల ఊయలలో ఊగుతున్నావో
ఆశల పల్లకిలో ఊరేగుతున్నావో
కనవేమి ముందు నిలుచున్నా వాస్తవాన్నై
పట్టించుకోవేమి వెంటపడుతున్నా నీ నీడనై
నీ దారి దక్షిణం నా తావు ఉత్తరం
కలిసామంటే మాత్రం ఇలలోనే విచిత్రం

1.గాలిమేడలు కోరు వాలకం నీది
పూరిగుడిసెలొ లోలకం నామది
స్వప్న ప్రపంచంలో నీ విహారం
ఒడిదుడుకులతో నా సంసారం
నీ దారి దక్షిణం నా తావు ఉత్తరం
కలిసామంటే మాత్రం ఇలలోనే విచిత్రం

2.పట్టేవదలని మొండిఘటం నీవు
పట్టూవిడుపుల గాలిపటం నేను
అలభ్యతన్నది ఎరుగదు నీ నిఘంటువు
పొందిన దానితొ తృప్తి పడటమే నా రేవు
నీ దారి దక్షిణం నా తావు ఉత్తరం
కలిసామంటే మాత్రం ఇలలోనే విచిత్రం