గర్వమే హెచ్చిందో గాఢతే తగ్గిందో
గిరిగీసుకున్న తావుకు గీతమే రాకుందో
గుండెలోతులోన గుబులు గూడుకట్టింది
గృహసీమలోనూ గెలుపు గేలిచేసింది
1.గైరికము కావాలి నా గేయము
గీటిచూసుకోవాలి సాహితీలోకము
గొణుక్కుంటె లాభమేమి గొప్పగా రాయాలి
గోష్ఠులే జరిగేలా నా కవిత వెలగాలి
2.గౌరవాలు పొందాలి గడిచే కాలానికి
గంధమే అబ్బాలి నా కవనానికి
గాంధర్వం అమరాలి నా గాత్రానికి
గణపతి నను చేర్చాలి నా గమ్యానికి
No comments:
Post a Comment