రచన,స్వరకల్పన&గానం:డా.రాఖీ

రాగం:భీంపలాస్

మనసెరిగిన భాషయే  మమత కదా
మమత పంచినపుడల్లా ఆనందమే సదా
కరిగిపోని తరిగిపోని పెన్నిధే అనురాగం
ప్రేమ విశ్వజనీనమైతె అది ఘనయోగం

1.లావాదేవీలు-లాలూచీలు-ప్రేమలోన మృగ్యం
తారతమ్యాలు-ఏ భేషజాలు-ప్రేమలో అసహజం
ప్రేమకు వలపునకు హస్తిమశకాంతరం
చరాచరాలన్నిటిపైనా ప్రేమే మనోహరం

2.మాతాపితరులు- కనబరచెడి- వాత్సల్యం
సోదరీ సోదరుల -నడుమన -అనురాగం
దంపతుల మధ్యలో అల్లుకున్న ప్రణయం
బలమైన స్నేహంగానూ ప్రేమే బహుముఖం