రచన,స్వరకల్పన&గానం:డా.రాఖీ

రేపని మాపని ఏ పని నాపకు
నీపని నాపని అంటూ గీతలు గీయకు
ఆపనిఈపనిఅని ఏపనినీ చులకన చేయకు
నేనే తోపని నాతో గెలుపని విర్రవీగకు
చుట్టున్నవారితో జట్టేకట్టు
జట్టుస్ఫూర్తి రేకెత్తించీ ఉట్జేకొట్టు

1.కనివిని ఎరుగని రీతిగా చూపించు పనితనం
పనిలోమునిగి పనితో చెలఁగి తరియించు అనుదినం
నేనునేనను మాటకు బదులు వాడాలి 'మనం'
సంఘజీవిగా ఎదిగినప్పుడే సార్థకమౌను జీవనం

2.అవని అవనంతా అవనీ నీ పనిగని  విస్మయం
పసగలపనితో రాకతప్పదు ఎవ్వరికైనా విజయం
కర్మఫలం ఆశించక కర్మను చేయుటె గీతాసారం
ఘర్మజలంతో అభిషేకించగ పనియే కాదా దైవం