రచన,స్వరకల్పన&గానం:డా.రాఖీ
రుసుములు చెల్లించినా సేవలు మృగ్యము
ఖరీదైనదైనా వస్తువు నాణ్యతే హీనము
భారతావనిలో గతిలేక బ్రతుకెంతొ దుర్భరము
తాతలు తాగిన నేతుల చరితలైతె మధురము
కళ్ళు తెరువు పౌరుడా కనీస హక్కులకై
పోరాడర వినియోగదారుడా వస్తుసేవల లెక్కలకై
1.పన్నులు ఎగ్గొట్టే తత్వమే ఎచటైనా
బిల్లడిగితె ఖాతరే చేయరెప్పుడైనా
విలువను మించిన మూల్యమే వస్తువేదానికైనా
ఆనవాయితైన టిప్పులే సేవలు అంతంత మాత్రమైనా
కళ్ళు తెరువు పౌరుడా కనీస హక్కులకై
పోరాడర వినియోగదారుడా వస్తుసేవల లెక్కలకై
2.టికెట్ కొని బస్సెక్కినా సీటే దొరకదాయె
ఆటోలో వెళ్ళినా మీటర్ దాటి వసూలాయె
పర్యామరణమంటూ క్యారీబ్యాగుకు చోరీయే
తయారీ ఆపివేయ ప్రభుతకు చోద్యమాయే
కళ్ళు తెరువు పౌరుడా కనీస హక్కులకై
పోరాడర వినియోగదారుడా వస్తుసేవల లెక్కలకై
3.ఇంటి టాక్స్ కట్టినా డ్రైనేజి రోడ్డు కరువాయే
బిల్లులు చెల్లించినా కరెంటు నీటి కటకటాయే
పార్కింగ్ కు చోటులేక వాహనాల వెతలాయే
మితిమీరిన అనుమతులే కడగండ్లకు మిషలాయే
కళ్ళు తెరువు పౌరుడా కనీస హక్కులకై
పోరాడర వినియోగదారుడా వస్తుసేవల లెక్కలకై
No comments:
Post a Comment