రచన.స్వరకల్పన&గానం:డా.రాఖీ
జన్మ ఖైదు జైళ్ళు నీ కళ్ళు
చూపులు వేస్తాయి మనసుకు సంకెళ్ళు
ఆ కళ్ళు పెంచేను తమకాల ఆకళ్ళు
చూస్తూనె ఉండిపోతాం బ్రతికినన్నాళ్ళు
1.నీ అందచందాలు నేనెంచలేను
నీ మేని పొంకాలపై దృష్టైన లేదు
నీ హావభావలు గమనించలేను
స్థాణువైపోయాను కనగానె నీ కన్నులను
2.హాయిగొలుపు నీ కళ్ళు వెన్నెల లోగిళ్ళు
మత్తైన నీకళ్ళు ఎదలోకి గుచ్చే ముళ్ళు
ఆకర్షించు నీకళ్ళు సూదంటురాళ్ళు
మాయచేయు నీకళ్ళు అమ్మవారి గుళ్ళు
No comments:
Post a Comment