రచన,స్వరకల్పన&గానం:డా.రాఖీ
వేంకట నారాయణా నమో
దివ్యాలంకార భూషణా ప్రభో
శంఖచక్రగదాపద్మ చతుర్భుజ ధారణ
ఆశ్రితజన సంరక్షణ మునిజనవందిత చరణ
1.కుతూహలమున్నది నిను వర్ణించగా
తాహత్తు తగకున్నది నీ భక్తకవిగా
రాసేదెవరైనా రాయించుకొనుట నీ పని
అక్షరాలనావహించ నే నిమిత్తమాత్రుణ్ణి
2. నీవె నిండినావు నా మానసమంతా
పదములు పునీతమాయె నీ పదముల చెంత
నీదే ఇక భారమంటి నా కేలస్వామీ చింత
అనంతపద్మనాభా కనికరించు రవ్వంత
No comments:
Post a Comment