రచన,స్వరకల్పన&గానం:డా.రాఖీ

నీ కన్నులే మధువొలుకే దొన్నెలు

నీ పల్వల్వలే మగ్గిన పనస తొనలు

నీ బుగ్గలే సిగ్గులే సింగారించే చిన్నెలు

ఎన్ని ఉన్నాయో నీలో ఎనలేని వన్నెలు

సరళరేఖలా ఎదలో కాలుమోపావే

సరస కేళిలో సాంతం చిచ్చు రేపావే

1.జీరాడే ముంగురులతో రాజీపడి

ఊగాడే జుమ్కాలతొ పేచీపడి

ముక్కెర చక్కదనం కొనియాడి

పాపిటి బిళ్ళనే తనివార ముద్దాడి

మచ్చిక చేసుకుంటి అచ్చికబుచ్చికలాడి

తనుకానిగ నే మన తరమా వగలాడి

2.నీరుగారి పోకుండా నీ వంపులకు

రసాభాస కాకుండా కవ్వింపులకు

లొంగదీసుకోవాలి నీ వయసు పొంగులను

కట్టడిసేయాలి మిడిసిపడే హంగులను

నీ వ్యూహం ఛేదించే సవ్యసాచినవ్వాలి

నీ దాడిని తిప్పికొట్టి యోధుడిగా గెలవాలి