https://youtu.be/erysnsPhO7A

అల్లనేరేడు పళ్ళు నీకళ్ళు

కాజూకత్లీలు  చెవి తమ్మెలు

పొంగిన పూరీలు నీ బుగ్గలు

అల్లన పనసతొనలు పెదవులు

నోరూరిపోతోంది నినుగని నెచ్చెలి

నకనకలాడుతోంది వగల సెగల ఆకలి

1.కొరుకుమనే భక్ష్యాలు నమలమనే భోజ్యాలు

నీ దేహపులిహోరలే తమకాగ్నికి ఆజ్యాలు

మెడవంపున లేహ్యాలు చుబుకాన చోష్యాలు

తనువిందు భోజనానికే సరిక్రొత్త భాష్యాలు

నోరూరిపోతోంది నిను గని నెచ్చెలి

నకనకలాడుతోంది వగల సెగల ఆకలి

2.మధురం మాటలో క్షారం చూపులో

కారం వయారంలో పులుపు వలపులో

వగరు నీ వయసులో చేదు నీ చీదఱ లో

రుచులారు  మక్కువే మనసుకు సరసములో

నోరూరిపోతోంది నినుగని నెచ్చెలి

నకనకలాడుతోంది వగల సెగల ఆకలి

OK