https://youtu.be/LCvtbFpw4ps
*శ్రావణమాస వరలక్ష్మీ వ్రత శుభాకాంక్షలు*
రచన,స్వరకల్పన&గానం:డా.రాఖీ
రావమ్మా వరలక్ష్మీ క్షీరాబ్ధి ప్రియ పుత్రి
అందెలు ఘల్లనగా అడుగిడవే అంబుజనేత్రి
కరుణజూడవమ్మా వరమహాలక్ష్మి
శుక్రవార శుభవేళ అమ్మా సౌభాగ్యలక్ష్మి
1.నీ చలవనే తల్లీ సిరిసంపదలన్నీ
నీ వరములే జనని హోదాలు పదవులన్నీ
ఇచ్చినట్టె ఇచ్చినవన్నీ దూరం చేయకమ్మా
ఉన్నంతలొ పరమానందం ప్రసాదించవమ్మా
2.కలతలు రాకుండా సాగనీయి కాపురం
వెతలేవి కలగకుండా గడపనీ జీవితం
నలతలు సలపకుండా కాపాడు ఆరోగ్యం
నగవులు నిండేలా చెలఁగనీ మా గృహం
No comments:
Post a Comment