రచన,స్వరకల్పన&గానం:డా.రాఖీ
రాగం:నాట
జక్కన చెక్కిన శిల్పమా
రవివర్మ గీసిన చిత్రమా
సౌందర్య భావ సూత్రమా
ఆరాధ్య దివ్య గాత్రమా
బ్రహ్మకైనా భేషుగ్గా పుడుతుంది
రిమ్మతెగులు నిన్గని అచ్చెరువొంది
1.ముట్టుకుంటె మాసిపోయే అందం నీది
పట్టుకుంటె జారే తత్వం నీ త్వచానిది
దర్శనంతొ రెచ్చగొట్టే అంగసౌష్ఠవం నీది
స్పర్శతో చిచ్చుపెట్టే దేహమార్ధవం నీది
బ్రహ్మకైనా భేషుగ్గా పుడుతుంది
రిమ్మతెగులు నిన్గని అచ్చెరువొంది
2.చచ్చినా సంతసమే నీ పొందు పొంది
ఎంతకాలముంటే ఏంది వ్యర్థమైన బొంది
తలతిప్పి తిలకిస్తే ప్రణయానికదే నాంది
నిమిషమైనా చాలు నీతో మనసు పరమానంది
బ్రహ్మకైనా భేషుగ్గా పుడుతుంది
రిమ్మతెగులు నిన్గని అచ్చెరువొంది
No comments:
Post a Comment