రచన,స్వరకల్పన&గానం:డా.రాఖీ
మారిపోని మరో ఉదయం పేలవంగా
నిదుర చెదిరి ప్రతి రేయీ కలవరంగా
దినమంతా నిస్సారంగా బ్రతుకంతా నిర్వేదంగా
మరణానికి ఆహ్వానంగా నరకమే బహుమానంగా
1.టీ కప్పులొ సైతం చెలరేగును ఓ తుఫాను
పైకప్పు ఎగిరేలా మ్రోగేను అరుపుల సైరను
ఉన్నదానికి లేనిదానికి తడవ తడవకు ఓ గొడవ
ఐనదానికి కానిదానికి తలమునకల వెతల పడవ
2.అందుబాటులో ఉన్నామంటే అదో కంటగింపు
తప్పుకొని పోతుంటే వెంటాడుతు వేధింపు
నరనరాల అసహనం ఒక్కుమ్మడి కుమ్మరింపు
విధిలేక తోడుగ సాగుతూ అక్కసుగా ఏవగింపు
No comments:
Post a Comment