దీపాలు వెలిగించినావు సాయి
పేలికలే వత్తులయి నీరే చమురయి
గాలిలో శయనించినావు బహువిచిత్రమై
చెక్కబల్ల తల్పమయి ఇటుకనీకు తలగడయి
నీ మహిమలనన్యము నీ లీలలు కడురమ్యము
సచ్ఛరిత్ర పారాయణ పుణ్యము బ్రతుకు ధన్యము
1.పిల్లలతో గోళీల ఆటలాడినావు
బల్లి భాషలోని మర్మమెరిగినావు
పిండి జల్లి మశూచిని పారద్రోలినావు
లెండీ వనములో పూమొక్కలు పెంచినావు
నీ మహిమలనన్యము నీ లీలలు కడురమ్యము
సచ్ఛరిత్ర పారాయణ పుణ్యము బ్రతుకు ధన్యము
2.మహల్సాపతితో మైత్రిని సలిపినావు
హేమాద్పంతుతో స్నేహము చేసినావు
తాత్యాని నీవు మేనఅల్లుడని ఎంచినావు
ధునిమంటలొ చేయుంచి పసిబిడ్డని కాచినావు
నీ మహిమలనన్యము నీ లీలలు కడురమ్యము
సచ్ఛరిత్ర పారాయణ పుణ్యము బ్రతుకు ధన్యము
No comments:
Post a Comment