రచన,స్వరకల్పన&గానం:డా.రాఖీ
నా ఊహల మంజరిని ఇస్తున్నా కానుకగా
మానస మంజూషను అర్పించా బహుమతిగా
ఎన్నెన్ని జన్మలెత్తినా నీవే నా శ్రీమతిగా
నా దేహం హృదయం ప్రాణం సర్వం నీకోసమేగా
1.బలమైన తరుణం లో పరిచయమైనావుగా
అలవోకగ నను బుట్టలో వేసుకున్నావుగా
ఆత్మీయ మైత్రితో నేస్తమై అలరిస్తున్నావుగా
అపూర్వమై అపురూప బంధమై పెనవేసినావుగా
నా దేహం హృదయం ప్రాణం సర్వం నీకోసమేగా
2.అనుక్షణం పరితపించి నను తలిచే నెచ్చెలిగా
ప్రణయంలో ముంచెత్తే నా ప్రియురాలిగా
నాతో కలిసి కడదాకా అడుగులేయు ఇల్లాలిగా
నన్నల్లుకపోయావే అభేదమై సిరిమల్లి వల్లిగా
నా దేహం హృదయం ప్రాణం సర్వం నీకోసమేగా
No comments:
Post a Comment