రచన,స్వరకల్పన&గానం:డా.రాఖీ
చలికాలమే నచ్చదు నాకు
చెలి సరసన నేనసలే లేనందుకు
హేమంతమంటే పంతమే నాకు
చెలికూపిరాడకుండ చేసినందుకు
ఎంతగర్వమో ఈ శీతాకాలనికీ
వెన్నులోంచి వణుకే కనుక ఎంతటి మహాబలులకీ
1.చెలి వలపులె నాలో సెగలు రేప
తోకముడుచుకుంటుంది చలి పులి
చెలి తలపులె నాలో వగపు నింప
జ్వలించదా విరహాన వయసు ఆకలి
దూరలేక పోరలేక పారిపోవు పిరికి చలి
ఒళ్ళే నెగళ్ళుకాగ కాగదా వేడదా బ్రతకనీయ బ్రతిమాలి
2.ఆయుధాలె నా నెచ్చెలి అధరాలు
చెలరేగే చలి బారిని రక్షించగా
కంచుకోట జవరాలి బిగికౌగిలి
చొరబడితే చలికి మతి చలించదా
దూరలేక పోరలేక పారిపోవు పిరికి చలి
ఒళ్ళే నెగళ్ళుకాగ కాగదా వేడదా బ్రతకనీయ బ్రతిమాలి
No comments:
Post a Comment