రచన,స్వరకల్పన&గానం: డా.రాఖీ

వాడిన మాలలేల నచ్చితివో

గోదాదేవి ఇచ్ఛగించి మెడనదాల్చిచ్చిప్పుడు

ఎంగిలి పళ్ళనేల మెచ్చితివో

శబరిమాత వగరుతీపి రుచిచూసిచ్చినప్పుడు

భక్తిభావనే నీకు కడు ప్రీతికరము భౌతికపరమైన చర్యకన్నా

ముక్తినొసగ తగనా కనికరించి బ్రోవగనను తిరుమల వెంకన్నా

1.పక్షిదెంత ఆయమో అందుకొనగ మోక్షము

ఉడతదెంత సాయమో  కీర్తిగొనగ అక్షరము

మార్గమేది ఎంచుకున్నా చేర్చును నీ సన్నిధానము

చిత్తశుద్దితో అర్చన చేయగ ఏదైనా సరె విధానము

భక్తిభావనే నీకు కడు ప్రీతికరము భౌతికపరమైన చర్యకన్నా

ముక్తినొసగ తగనా కనికరించి బ్రోవగనను తిరుపతి వెంకన్నా

2.తులసీదళమెంత బరువని తూచింది నిన్ను సైతం

అటుకులు పిడికెడు ఐతేనేమి తెలిపాయి గాఢ స్నేహం

శేషప్ప కొలిచాడు పద్యశతముల పొగిడీ తెగిడీ

అన్నమయ్య కీర్తించాడు వేలకృతుల పాడీ వేడీ

భక్తిభావనే నీకు కడు ప్రీతికరము భౌతికపరమైన చర్యకన్నా

ముక్తినొసగ తగనా కనికరించి బ్రోవగనను తిరుపతి వెంకన్నా