కలుసుకున్నాయి హృదయాలు గుంభనంగా
అల్లుకున్నాయి బంధాలు లతల చందంగా
నదివి నీవు కడలి నేను ఏకమైనాము సంగమంగా
పూవు నీవు తావి నేను వనమునకు మనమే అందంగా
1.నా ఉనికి కోల్పోయాను నీలోన లీనమైపోయి
మనుగడను సాగిస్తున్నాను నీకు ఆలంబననేనై
రుచీ గతి వదిలేసాను నేను నీవుగ మారిపోయి
పరిపూర్ణగ తరించినాను నీకు జతగ చేరిపోయి
2.నా పుట్టుక కొండలు గుట్టలు తోబుట్టులు ఇరుగట్టులు
మెట్టింట అడుగెట్టినాను నీ తరగలు సంఘట్టనలు
లావణ్యం సౌందర్యం వరములు నా సహజాతాలు
నీవు నా తోడైనప్పుడు గుప్పుమనెను గుభాళింపులు
No comments:
Post a Comment