రచన,స్వరకల్పన&గానం:డా.రాఖీ
తలమునకలుగా నీవు నీ పనులలో
నీ తలపులే ఊపిరిగా నే తపనలో
నీ మనసులో ఏమున్నదో ఎరిగించవు
నా ఎదలయ ఏమంటున్నదో గ్రహించవు
ఎలాచావనే నీతో నను మరి'చావనే వెతతో
1.తొలిచూపులోనే నాదానివిగా భావించాను
నన్నాదేశించే వేదానివిగా తలదాల్చాను
అనుక్షణం నీవే నా మోదానివిగా తలపోసాను
నను నడిపించే మేధావినిగా ఆరాధించాను
ఎలా చావనే నీతో నను విడిచావనే దిగుల్తో
2.మాటతప్పుతుంటావు మాటిమాటికీ ఎందుకో
బాస మరచిపోతావు పదేపదే ఎందుకో మరెందుకో
సాధ్యమో అసాధ్యమో ఈ జన్మకి మన కలయిక
కాలం కరుగుతుంటే నా ఓపికనే కరిగే కల ఇక
ఎలా చావనే నీతో - బ్రతుకన్నా చావనే భావనతో
No comments:
Post a Comment