రచన,స్వరకల్పన&గానం:డా.రాఖీ
విరి బుట్టలో కూర్చున్న ఓ బుట్టబొమ్మ
పలువన్నెలు రువ్వుతున్న పూలకొమ్మ
ఏడు రంగులున్న నింగి సింగిడి నీవమ్మా
సప్తవర్ణ సంకీర్ణ శ్వేత కిరణమే నీవమ్మా
1.నా సప్తవ్యసనాల సంకలనం నువ్వు
సప్తస్వరాల సమ్మిళితం గలగల నీ నవ్వు
సప్తమహా ఋషులైనా దాసులౌదురంటె నమ్ము
సప్తగిరీశుని చలవతో నను నీవాడినవనిమ్ము
2.సప్తపదే నడవగ నీతో పదే పదే మదికోరే
సప్తతాళాలలో హృదయం నీకై సందడి చేసే
సప్త సముద్రాలొకటైనా మారదు నా తీరే
సప్త ముక్తిధామాలే ఇల నీవుగ సమకూరే
No comments:
Post a Comment