రచన,స్వరకల్పన&గానం:డా.రాఖీ
మూగయే నాకన్నా ఎంతో మేలు
నిను పాడని నాగొంతు కంతను పోలు
నీపదములు నేనొదలను అమ్మా శారదా
నీపదముల సాధనలో తరించనీ నను సదా
1.మృదు మార్ధవ గళమునకై
మరిమరి నే జన్మిస్తా
మధుర గాత్ర మరయగనే
తక్షణమే మరణిస్తా
ప్రాధేయపడితినమ్మా నిన్ను పదేపదే
పలుచన చేసితివే పరితపించ నామదే
2.కారునలుపు నీయనుంటివి
కోయిల గళమును వరమిచ్చి
గాయాలే చేయనుంటివి
వేణువుగా నన్నే మలచి
ఉరితీగలు భరింతును వీణగ నను మార్చివే
ఊపిరి నర్పింతును గొంతులొ సుధ చేర్చవే
No comments:
Post a Comment