రచన,స్వరకల్పన&గానం:డా.రాఖీ
తూగుతున్నావన్నది నన్ను లోకం
నేను తాగడమే ఎరుగనోణ్ణి అన్నది సత్యం
కమ్మేసిందన్నది జనం బొత్తిగా నన్ను మైకం
మత్తుమందు ముట్టనోణ్ణి అన్నది వాస్తవం
నిన్ను తలుచుకున్న అన్ని సమయాల్లొ నెచ్చలీ
నిన్ను కలుసుకున్నప్పుడల్లా నా మనోహరి
1.పిచ్చి పిచ్చిగీతలేవేవో గీస్తుంటానట
పచ్చి పచ్చి రాతలేవేవో రాస్తుంటానట
రచ్చరచ్చగా చిందేసి తెగ ఆడేస్తుంటానట
ఇఛ్ఛారీతిగ ఏ పాటలో ఆగక పాడుతానట
నా కన్నుల్లో నింపుకున్నా నిన్ను మాత్రమే
నా హృదయంలో దాచుకున్నా నీ చిత్రమే
2.పిచ్చుక గూళ్ళేవో కడుతుంటానట
సీతాకోక చిలుకల్ని పడుతుంటానట
పచ్చాని చిలుకలతో ముచ్చటలాడేనట
వెచ్చదనంకై వెన్నెల జలకాలాడెదనట
నీ కోసమే వెచ్చించానంతే నా జీవితం
నా ప్రేమను చేసేసా ప్రేయసీ నీకు అంకితం
No comments:
Post a Comment