రచన,స్వరకల్పన&గానం:డా.రాఖీ

అనుభూతులు శూన్యము

ఆర్భాటమే ప్రాధాన్యము

ఎలా కాగలుగుతుంది కళ్యాణ క్రతువు ధన్యము

పరిణమే జీవితాన అపురూపము అపూర్వము అనన్యము

1పెండ్లికి ముందరే ప్రేమలు కలయిలు

వివాహపూర్వమే విరహాలు దాహాలు విహారాలు

తొలిచూపులు నులి సిగ్గులు విచిత్రమైన పదాలు

ముద్దులు ముచ్చట్లతో హద్దులెన్నొ దాటేసిన పెదాలు

మనసులో పదిలంగా పదిలపరచు కొనవలసిన మనువులు

షూటింగులు డేటింగులలో తడిసిముద్దవుతున్న తనువులు

2.సంస్కృతి సాంప్రదాయమన్నది మన్ను బుక్కిపోయింది

ఆచారం ఆనవాయితీల ఆచూకే లేక పోయింది

వేద మంత్రాలు దాంపత్యపు అర్థాలు

వింత తంతులయ్యాయి

జిలకర బెల్లాలు తాళి తలంబ్రాలు చిత్రాలకు ప్రహసనాలయ్యాయి

షడ్రసోపేత విస్తృత జాబితా భోజనాలు 

అడుగుడుగున అన్నాన్ని వృధా పరచు జనాలు