రచన,స్వరకల్పన&గానం:డా.రాఖీ
నేస్తమా నీ మధుర జ్ఞాపకం
తీపి తలపులకే ప్రేరేపకం
ప్రియతమా నీ సంతకం
చిలిపి ఊహకే ఉత్ప్రేరకం
ఈ రేయి హాయినీ ఇరువురం మోయనీ
సరస రస కావ్యాలనే రసనతో రాయనీ
1.మబ్పు మోసుకొచ్చింది తమకాల జల్లునీ
గాలి పూసివెళ్ళింది తపనలున్న తావిని
వెన్నెలే తెలిపింది నీ తహతహ మనోగతం
తెరిచి ఉంచాను ఎదనీకై చెలికాడా స్వాగతం
ఈ రేయి హాయినీ ఇరువురం మోయనీ
సరస రస కావ్యాలనే రసనతో రాయనీ
2.దేహాలు మోహంతో విరహించినాయి
నయనాలు వేచిచూసి నీరసించినాయి
అధరాలు చుంబనాలనే ఆశించినాయి
మనసులే జతగా ముడివడి పరవశించినాయి
ఈ రేయి హాయినీ ఇరువురం మోయనీ
సరస రస కావ్యాలనే రసనతో రాయనీ
No comments:
Post a Comment