https://youtu.be/qDxPaJnN2hI?si=nielkdQUjIzQeiMv

రచన,స్వరకల్పన&గానం:డా.రాఖీ

ఈ మేను లేకపోతె మాత్రమేమి సాంబ శివా

నేనుగా నీలో అజరామరమై మనలేనా సదాశివా

ఉన్నంత వరకు దేహమున్నంతవరకు చేయనీ నీ సేవ

నిను చేరెడి తోవలోనె నను నడిపించరా మహాదేవా

1.రేపు మాపని మా పని ఆపని వేలుపు నీవని

నమ్మి నాను నెమ్మనమున నమో పినాకపాణి

దారాసుత బంధాల నుండి విముక్తి చేయరా కపర్దీ

ఈదలేను చేదుకో  భవ జలధిని కళానిధీ

2.లింగాకారా గంగాధరా త్రయంబకా ప్రభో మృత్యుంజయా

నర్తించరా నటరాజా నా నాలుకపై నమో నమఃశివాయ

పరమేశ్వరపరమై వరలెడు జన్మ నీవొసగెడి వరమయా

 శివమేకమై శివైక్యమై శివోహమై మననీ నను దయామయా