రచన,స్వరకల్పన&గానం:డా.రాఖీ

చీరకట్టులోనే ఉంది సుదతి సింగారం

చేలముతో ఇనుమడించు ఇందువదన సౌందర్యం

కనికట్టు చేస్తుంది భారతీయ వనిత కట్టుబొట్టు

కట్టిపడవేస్తుంది కాళ్ళకాడ మగవాడిని ఎరిగి ఆయువుపట్టు

1.చీరలు పలు కొలతలు వన్నెలు నగిషీలు అంచులు కొంగులు నాణ్యతలు

చేనేత పట్టు సిల్కు సింథటిక్కుల సారీలు పెక్కురీతులు

వివిధ సందర్భాలకు అమరి అలరెడు

తరుణుల ప్రియతములు

దాయాదుల విరోధానికి భాగవత విలాసానికి హేతువులు

2.ప్రాంతాలవారిగా సంతరించుకుంది 

చీర ప్రత్యేకత

కట్టుకొనుటలో ఆకట్టుకొనుటలో చీరలకుంది విశిష్టత

మరాఠీ గుజరాతీ మార్వాడీ మళయాళి తెలుగుది దేనికదే ఘనత

దాచిదాచక అందాలతొ కనువిందు చేయుటే చీర మార్మికత