అద్భుతమే విశ్వరచన విశ్వనాథా
అబ్బురమే అణునిర్మితి గౌరీనాథా
అంతుబట్టలేనిదే ఈ జీవకోటి
వైద్యనాథా
అగణిత మహిమాన్వితమే మానవమేధ నాగనాథా
పాహిమాం కైలాసనాథా
పాలయమాం కైవల్యదాతా
1.కట్టగలిగి నప్పుడు ఆకాశ హర్మ్యము
కూలదోయ గలుగగ ఏముంది మర్మము
సృజన విలయ వలయం నీకానవాయితీయే
కొడిగట్టే దీపాన్ని వెలిగింప జేయగ నీ నిజాయితీయే
పాహిమాం కైలాసనాథా
పాలయమాం కైవల్యదాతా
2.పిచ్చుకపై బ్రహ్మాస్త్రము నువువేయుట ఘోరము
చక్కనైన ఆరోగ్యము చెడగొట్టగ విడ్డూరము
మహిమలెన్ని చేసితివో మహిలో మహేశ్వరా
లీలలెన్ని చూపితివో ఇలలో నీలకంఠేశ్వరా
పాహిమాం కైలాసనాథా
పాలయమాం కైవల్యదాతా
No comments:
Post a Comment