రచన,స్వరకల్పన&గానం:డా.రాఖీ
కవిని నేను జీవనదిని నేను
కవితనై అనవరతం ప్రవహిస్తాను
ఎందరు దాహం తీర్చుకున్నా
ఎవ్వరు కలుషిత పర్చుతున్నా
ఆగదు నా కవనం అనంతమే నా పయనం
1.ఒకరి పట్ల అనురాగం లేదు
ఎవరి ఎడల ఏ ద్వేషం లేదు
కొండలు కోనలు ఎదురైనా అధిగమించి
వాగులు వంకలతో దారంతా సంగమించి
సాగుతాను చైతన్యంగా సాగర తీరందాక
అడ్డుకట్టలెన్నికట్టి ఆపజూచినా వెనుకంజవేయక
2.ఏ పుష్కర పురస్కారం ఆశించక
దరులలో హారతులకై తలవంచక
ఒకోసారి ఉదృతమై ఉప్పొంగే వరదగా
ఎల్లకాలం మానవాళి మనుగడకే వరదగా
కల్మషాలనే సమాజంలో సమూలంగా కడిగేస్తా
గలగలగా గంభీరంగా అలజడిగా సడిచేస్తా
No comments:
Post a Comment