రచన,స్వరకల్పన&గానం:డా.రాఖీ
సాగే వరకే లాగ గలిగే రబ్బరే జీవితం
తెగే వరకూ సాగదీస్తే నిబ్బరించదు స్నేహితం
స్థితిస్థాపక తత్వమెరిగితె ఉభయకుశలోపరి
గాజుబొమ్మగ కాచినపుడే మైత్రియగు హితవరి
11.చేతులడ్డుగ ఉంచాలి- స్నేహమన్నది దీపమే
నీరుపోసి పెంచాలి- చెలిమి ఎదిగే పాదపమే
ప్రేమనెంతో పంచాలి సోపతి పసిపాపనే
మనసెరిగీ వర్తించాలి మైత్రి అపురూపమే
2.సహానుభూతి చెందాలి అభాండాలువేయక
సమర్పించుకోవాలి ఏమాత్రం సంశయించక
ఎన్నాళ్ళకు కలుసుకున్నా తాజాగా తలపించాలి
కన్నీళ్ళు తుడిచేవారిగ నేస్తానికి అనిపించాలి
No comments:
Post a Comment